« LEHIBE NY FIANDRIANAN’ANDRIAMANITRA »
ALAHADY VOALOHANY MANARAKA NY EPIFANIA
ALAHADY NITONDRANA TAMIM-BAVAKA NY MPANAO RAHARAHAN’NY FIANGONANA
« Koa amin’izany,…dia aoka isika koa hanaisotra izay rehetra mitambesatra amintsika mbany ota izay malaky mahazo antsika… » Hebreo12 : 1a
Alahady itondrana amim-bavaka ny mpanao raharahan’ny Fiangonana androany. Rabako Miora no nitarika ny fotoana. Ny Mpitandrina Tahiry Rakotomanana no nitory ny Teny. Ny Litorjia amin’ny endriny faharoa no nentina nanatontosana ny fanompoam-pivavahana.
Tao amin’ny Lioka 11 : 28 no nangalana ny hafatra.
Amin’izao taona vaovao izao dia mifampirary soa ny olona. Maro ny faniriana tsara. Eo anatrehan’izany dia manatrika antsika mandrakariva Jesoa. Sady mampianatra antsika Izy no manohana antsika. Noho izany dia tokony hankato ny Tenin’andriamanitra ampianarina antsika isika.
Ny Perikopa voalahatra : II Tantara 20 : 5-9 ;
Matio 5 : 33-37 ;
Hebreo 12 : 1-3
Rakotonirina Tsiry no nanao ny vavaka mialoha ny vakiteny
Rakotonirina Tiana kosa no namaky ny Filazantsara sy ny Epistily
Ny Hebreo toko faha 12 no nakana ny fampianarana. Eo anatrehan’ny fahalehibiazan’ny fiandrianan’Andriamanitra tao amin’i Jesoa Kristy dia ireto telo ireto no miandry antsika Kristiana : – Manaisotra ny ota mora mahazo – Manatanteraka ny hazakazaka masina – Mibanjina an’i Jesoa Kristy
♫ Feo ♪
ASA VAVOLOMBELONA
Nikirakira fafana : Harentsoa
Nikirakira fanamafisam-peo : Andriamahatana Rija
Naka sary : Andrianandrasanarinaivo Mihaja
sy Andrianandrasanarinaivo Fitia
Nandray an-tsoratra : Zanaharitsimba Toky
