1 Jaona 2. 20

«Fa ianareo kosa manana hosotra avy amin’Ilay Masina ka mahalala ny zavatra rehetra.»

Fiantsoana sy Fiderana

Alahadin’ny Firaisan’ny sampana.
Alahady nanokafana ny faha 165 taonan’ny Fiangonana miaraka amin’ireo sampana dimy mankalaza an’Andriamanitra noho ny jobiliny, mbola nibanjinana ny lohahevitra fitaizam-panahy eto amin’ny sahan’ny FJKM hoe: “Mahefa ny zavatra rehetra ny Tompo”.

Ny Diakona, Fanja Andrianasy no nitarika ny fanompoam-pivavahana ary ny Mpitandrina Rakotomanana Herintsoa Tahiry nitondra ny hafatra.
Fiarahabana apostolika : 1 Tantara 29. 10b-13. Hira FF13: Mihirà fihiram-baovao.
Ny Litorjia endriny faharoa no nanatontosana ny fotoana.
Ny Fanekem-pinoana faha-4 no nanambarana ny finoana.

Famakiana ny Soratra Masina

Ny Perikopa voalahatra : Isaia 65. 17-25; Lioka 5. 12-16; Asan’ny Apostoly 12. 11-17.

Faniah Rakotonarivo no nanantanteraka ny vavaka mialohan’ny famakiana ny Soratra Masina, Lanto Rabarijaona – STKZo no namaky Testamenta Taloha ary Randrianarison Manoa Navalona – SVM no namaky Testamenta Vaovao.

Ny RFF: “Ny Andriamanitra inoako” no nanao anjara hira taorian’ny toriteny.

Fotoana ho an’ny Ankizy sy ny tanora

Rakotozafy Tinà, mpampianatra K5, no tompon’anjara.

« Izaho no mofon’aina ,izay manatona Ahy tsy mba ho noana … » Jaona 6. 35a no nakany ny hafatra sy nisintonany ny lesona.
Nampitany ny momba ny vary sy kombam-bary ary ireo sedra natrehan’i Jesoa Kristy.
Notohizana tamin’ny hira FFPM 212:1.

Toriteny

Ny Lioka 5. 12-16 no nitondran’ny Mpitandrina ny hafatra: Ny amin’ny nahasitranana ilay boka.

Hafatra telo no nasongadina :

1.- Ny fiaiken’ilay heniky ny habokana ny amin’ny fahalemeny (And.12)

Miaiky ny amin’ny fahalotoany sy ny faharariany ilay boka: “Raha mety Ianao dia mahay manadio ahy.”

2.- Ny fiorenana ny amin’ny finoana.

Ny fiankohofana: Credo (fanekem-pinoana) amin’ny alalan’ny fihetsika eto, dia milaza:
– Fanetren-tena;
– Fanekena sy finoana;
– Faharesen-dahatra ataon’ny olona anankiray.

3.- Mamelà ny Tompo hiasa: “Raha mety Ianao …” (And. Lio. 12)

Avelao ny Tompo hiasa amin’ny fombany, fa aza baikoana araka ny filanao.

4.- Omeo voninahitra Ilay nanasitrana anao (And.13)

Mahaiza mankasitraka an’Andriamanitra. Manaova fanatitra.
Meteza hotarihin’ny Tompo sy ny Fanahy Masina.
Tsy mahazo manao fanatitra raha tsy madio sy voadio ary
Ataovy ny asan’ny Tompo. Mijoroa ho vavolombelona.

Ho an’Andriamanitra ny voninahitra. Ho amintsika ny amin’izao taon-jaobily izao ny fanetren-tena sy ny fankasitrahana.

Asa Vavolombelona

Fanoloran-jaza: Andrianasolo Noam Hariniela Liyan.

Fanokafana amin’ny fomban’ny Fiangonana ny fankalazana an’Andriamanitra noho ny faha 165 taonan’ny Fiangonana, miaraka amin’ireo sampana dimy hanao jobily sy fankalazana : SMZM- SVM- SAFIF- SLK – STAF.

Novakiana ny teny faneva..
“Fa tsara Jehovah, Mandrakizay ny famindrampony, Ary mihatra amin’ny taranaka fara-mandimby ny fahamarinany… ka manangàna faneva ho tazan’ny ny firenena.” Salamo 100.5 ; Isaia 62. 10.
Natao ny hira faneva: Fa tsara Jehovah

Hijery ireo raki-tsary rehetra

Ireo tompon’anjara

<strong>Nitendry orga</strong>

Nitendry orga

Randriambeloson Sitraka – SMZM

<strong>Nikirakira fafana</strong>

Nikirakira fafana

Rabako Tovo

<strong>Fanamafisam-peo</strong>

Fanamafisam-peo

Ramahery Hasina

<strong>Naka sary</strong>

Naka sary

<strong>Nandray an-tsoratra</strong>

Nandray an-tsoratra

Ravelojaona Harentsoa


Ireo Alahady hafa

Vaovao Mpiangonana

Jereo ny filazan-draharaha →

×

Fanomezana

« Samia manome araka izay efa nosaininy tao am-pony avy, fa tsy amin’alahelo na an-tery ; fa ny mpanome amim-pifaliana no tian’Andriamanitra. »

2 Korintiana 9:7

Misaotra noho ny fahamoram-ponao

Mampahery anay ny fanirianao hanohana ny Fiangonana FJKM Amparibe Famonjena. Eo am-panomanana ny fomba fanomezana an-tserasera izahay, ary ho lazaina eto tsy ho ela izany. Mandritra izany dia azonao atao tsara ny manolotra ny fanatitrao amin’ny fotoam-pivavahana : isaky ny Alahady amin’ny 09:00 na ny Zoma hariva amin’ny 18:15.

Fanomezana

« Que chacun donne comme il l’a résolu en son cœur, sans tristesse ni contrainte ; car Dieu aime celui qui donne avec joie. »

2 Corinthiens 9:7

Merci pour votre cœur généreux

Votre désir de soutenir l’église FJKM Amparibe Famonjena nous touche beaucoup. Les moyens de don en ligne sont en préparation et seront annoncés ici très bientôt. D’ici là, vous pouvez remettre votre offrande lors des cultes : le dimanche à 9h00 et le vendredi soir à 18h15.

Fanomezana

“Let each man give according as he has determined in his heart, not grudgingly or under compulsion, for God loves a cheerful giver.”

2 Corinthians 9:7

Thank you for your generous heart

Your wish to support our church FJKM Amparibe Famonjena means a great deal to us. Online giving is being prepared and will be announced here very soon. In the meantime, you are welcome to bring your offering to our services: Sunday at 9:00 am and Friday evening at 6:15 pm.