Lioka 4. 40

«Ary raha nilentika ny masoandro, ny olona rehetra izay nanana marary tamin’ny aretina samy hafa dia nitondra azy teo Aminy; ary dia nametra-tanana tamin’izy rehetra tsirairay Izy ka nahasitrana azy.»

Fiderana

Alahady faharoa amin’ny volana febroary, nibanjinana ny lohahevitra hoe « Mampahafantatra ny asan’ny Tompo ny Soratra Masina ». Alahady fahadimy manaraka ny Epifania ary koa alahadin’ny Baiboly.

Ny Diakona Razafindrakoto Tatamo no nitarika ny fotoana ary ny Mpitandrina Rakotomanana Herintsoa Tahiry no nitory ny Tenin’Andriamanitra. Ny Mpitandrina misotro ronono Robel Bruno kosa no nanao ny vavaka fangatahana sy nanolotra ny Tsodrano. Ny Mpitandrina eto an-toerana moa voatery nandao, nandeha namonjy fotoana tany amin’ny FJKM Ambondrona, noho ny fahafolo taona maha Filohan’ny FFP an’ny Mpitandrina Rabemanantsoa Solofo.

Ny Litorjia endriny faharoa no notanterahina ary ny Fanekem-pinoana laharana faharoa no nentin’ny Fiangonana nanambara ny finoany an’i Jesoa Kristy.

Famakiana ny Soratra Masina

Ny Perikopa voalahatra : Salamo 33. 1-11 ; Lioka 4. 38-41 ; 1 Petera 1. 22-25.

Ny Diakona Rajaonarison Mbola no nivavaka mialoha ny namakiany ny Testamenta Taloha ary ny Diakona Randriamihamina Lobo no namaky ny Testamenta Vaovao.
Nanao ny anjara hirany, “Tompo ô, tena miavaka Ianao”, ny Sampana Taninketsa eto Amparibe Famonjena (STAF) taorian’ny Toriteny.

Noho ny maha alahady faharoa azy dia nisy ny Asa sy fampaherezana taorian’ny fanompoam-pivavahana.

Fotoana ho an’ny Ankizy sy ny tanora

Rabiazamaholy Léa no tompon’anjara.
Ny Ohabolana 30. 5 « Ny tenin’Andriamanitra dia voadio avokoa; Ampinga ho an’izay mialoka aminy Izy.» no nitondrany ny fampianarana sy hafatra.

Tantara : Nianatra tany an-tanan-dehibe i Mino. Sarotra ny fiainana ka nanao asa an-tselika izy. Nitantara ny fahasahiranany rehetra tamin’ny reniny izy. Ka hoy ny reniny hoe : misy vilany roa :
Ny iray voalohany misy karaoty sy atody izay miaraka andrahoina. Ny vilany faharoa kosa nampangotrahina rano ary nasiana vovo-kafe.
Rehefa masaka ary ny karaoty izay mafimafy fony manta, dia lasa nalemy, ary ny atody kosa lasa mafy. Ilay kafe indray nanome loko ny rano sady manitra.
Ka iza amin’ireo ianareo ? Ilay mafy lasa malefaka, sa ilay malemy lasa mafy mijoro tsara, sa ilay tsara loko sy manitra ?

Toriteny

« Mampahafantatra ny asan’ny Tompo ny Soratra Masina »
Inona no ambaran’ny Soratra Masina ?

Ny Lioka 4 : 38-41 no noraisin’ny Mpitandrina. Ao no ahitana ny fahamarinana mahakasika ny fanasitranana nataon’i Jesoa tamin’ny rafozambavin’i Simona Petera sy olona maro hafa koa.

1.- Ireo karazan’olona nositranin’i Jesoa.

– Lioka 4. 38 : Nangataka an’i Jesoa i Simona Petera hanasitrana ny rafozambaviny. Ny voambolana mazava eto dia hoe « nangataka ».
Jesoa dia nampianatra izany. Hoy Izy ao amin’ny Matio 7. 7 « Mangataha, dia homena ianareo;… » ; Matio 7. 11 « Koa raha ianareo, na dia ratsy aza, mahalala hanome zava-tsoa ho an’ny zanakareo, tsy mainka va ny Rainareo Izay any an-danitra no hanome zava-tsoa ho an’izay mangataka aminy ? ». Ny vavaka nampianarin’ny Tompo no tena vavaka fototra « Omeo anay isan’andro… ». Jesoa dia tena nampianatra ny mpianany hangataka amin’ny Rainy. Ny mangataka amin’ny Tompo na ny mivavaka, amin’ny hevi-teny, dia fifaneraserana amin’Andriamanitra.
– Lioka 4. 40 : Ireo olona rehetra hafa dia tonga nanatona an’i Jesoa. Aza manalavitra an’i Jesoa fa manatona Azy. Izay mila vonjy, izay mangataka fahasitranana dia manatona an’i Jesoa .
Marka 1. 32 : « Ary nony hariva ny andro, ka nilentika ny masoandro, dia nentina tany Aminy ny marary rehetra sy ny demoniaka. » ; Efesiana 2. 13 « fa ankehitriny kosa, ao amin’i Kristy Jesoa, ianareo izay lavitra fahiny dia efa nampanakeken’ny ran’i Kristy. »
Mila manatona ny Tompo isika, managataka Aminy ary mino fa Izy manasitrana.

2.- Jesoa Kristy mpanasitrana (And. 39)

Rehefa niteny Simona Petera dia tsy nohainoin’i Jesoa Kristy fotsiny.
Rehefa miantso ny Tompo isika dia manatrika Izy ary tonga dia miasa avy hatrany. Tsy mangatak’andro ny Tompo, fa tonga dia manome valimbavaka.
And. 40 « …nametra-tanana tamin’izy rehetra tsirairay Izy ka nahasitrana azy. ».
Ny olona rehetra dia samy manana ny aretiny.
Manatona, mangataha ary minoa.
Mihaino Izy, mandray an-tanana, miasa.

Ho an’Andriamanitra irery ny Voninahitra, Amen!

Hijery ireo raki-tsary rehetra

Ireo tompon’anjara

<strong>Nitendry orga</strong>

Nitendry orga

Irimanana Eninkaja

<strong>Nikirakira fafana</strong>

Nikirakira fafana

Raoliarizaka Bakoly

<strong>Fanamafisam-peo</strong>

Fanamafisam-peo

Andriamahatana Rija

<strong>Naka sary</strong>

Naka sary

Ramahery Hasina

<strong>Nandray an-tsoratra</strong>

Nandray an-tsoratra

Rajaofetra Voahangy


Ireo Alahady hafa

Vaovao Mpiangonana

Jereo ny filazan-draharaha →

×

Fanomezana

« Samia manome araka izay efa nosaininy tao am-pony avy, fa tsy amin’alahelo na an-tery ; fa ny mpanome amim-pifaliana no tian’Andriamanitra. »

2 Korintiana 9:7

Misaotra noho ny fahamoram-ponao

Mampahery anay ny fanirianao hanohana ny Fiangonana FJKM Amparibe Famonjena. Eo am-panomanana ny fomba fanomezana an-tserasera izahay, ary ho lazaina eto tsy ho ela izany. Mandritra izany dia azonao atao tsara ny manolotra ny fanatitrao amin’ny fotoam-pivavahana : isaky ny Alahady amin’ny 09:00 na ny Zoma hariva amin’ny 18:15.

Fanomezana

« Que chacun donne comme il l’a résolu en son cœur, sans tristesse ni contrainte ; car Dieu aime celui qui donne avec joie. »

2 Corinthiens 9:7

Merci pour votre cœur généreux

Votre désir de soutenir l’église FJKM Amparibe Famonjena nous touche beaucoup. Les moyens de don en ligne sont en préparation et seront annoncés ici très bientôt. D’ici là, vous pouvez remettre votre offrande lors des cultes : le dimanche à 9h00 et le vendredi soir à 18h15.

Fanomezana

“Let each man give according as he has determined in his heart, not grudgingly or under compulsion, for God loves a cheerful giver.”

2 Corinthians 9:7

Thank you for your generous heart

Your wish to support our church FJKM Amparibe Famonjena means a great deal to us. Online giving is being prepared and will be announced here very soon. In the meantime, you are welcome to bring your offering to our services: Sunday at 9:00 am and Friday evening at 6:15 pm.