“IAINO NY TOE-PANAHY ARAKA AN’ANDRIAMANITRA”
IVOM-BOKATRY NY GAZETY TARATRY NY FAMONJENA SY TRANOKALA
FANOKAFANA NY JOBILY FAHA-125 TAONAN’NY SAMPANA DORKASY
ALAHADY FAHA-24 MANARAKA NY TRINITE
“Miadia ny ady tsaran’ny finoana, Hazony ny fiainana mandrakizay,…” I Timoty 6 : 12a

Alahady faharoa ibanjinana ny lohahevitra «Iaino ny toe-panahy araka an’Andriamanitra». Androany no natokana itondran’ny sahan’ny FJKM amim-bavaka ny Fitantanana ny Fananana (FIFA).
Andriamahatana Rado Filohan’ny Gazety sy Tranokala no nitarika ny fotoana. Ny Mpitandrina Rakotomanana Herintsoa Tahiry no nitory ny Tenin’Andriamanitra.
Ny Litorjia endriny faharoa sy ny Fanekem-pinoana laharana faharoa no nentina nanatanteraka ny fanompoam-pivavahana sy nanehoana ny finoana.

FOTOANAN’NY ANKIZY SY TANORA
Zanaharitsimba Rakotondrazaka Lalasoa no nanatanteraka ny fampianarana.
Ny Jaona 6 : 26 no nakany ny hafatra sy ny tsianjery : « Jesosy namaly azy hoe : lazaiko aminareo marina dia marina tokoa : mitady Ahy hianareo, nefa tsy noho ny nahitanareo famantarana, fa noho ny nihinananareo mofo ka voky. »

FANKALAZANA NY TENIN’ANDRIAMANITRA

Ny perikopa voalahatra : Salamo 34 : 17 – 22 ; Marka 10 : 17- 27 ; I Timoty 6 : 11-21.

Harijesy Faneva no nanao ny vavaka mialoha ny vakiteny.

Ramahery Hasina no namaky ny Testamenta taloha.

Radimimanana Nandrianina kosa no namaky ny Filazantsara sy ny epistily.

TORITENY

Ny I Timoty 6 : 11-21 no nangalana ny toriteny. Hafatr’i Paoly ho an’i Timoty ho fampaherezana azy ity epistily ity.

Toe-panahy telo no voarakitra tao anatin’izany fampaherezana izany :

Miezaha mitady fahamarinana.(I Timoty 6 : 11)
Miadia ny ady tsaran’ny finoana. (I Timoty 6 : 12)
Azony ny fanekena nataonao tamin’ny Tompo (I Timoty 6, 12d)

ASA VAVOLOMBELONA

Fanokafana ny taom-pankalazana an’Andriamanitra noho ny faha 125 taonan’ny sampana Dorkasy Amparibe Famonjena. Novakiana ny tsiahin’ny sampana.

Natolotra sy notsofina rano ny komitin’ny fankalazana.

Nosokafana ny fanana maneho ny taom-pankalazana.
Taorian’ny fanompoam-pivavahana dia nisy ny asa sy fampaherezana.

TOMPON’ANJARA

Nitendry Orga : Irimanana Eninkaja sy Rakotonarivo Hery

Nikirakira fafana : Raharijaona Nantenaina

Nikirakira fanamafisam-peo : Rakotovololona Lova sy Harentsoa Rova

Naka sary : Fitia

Nandray an-tsoratra : Zanaharitsimba Toky