FJKM Amparibe Famonjena

Raharaha Alahady 13 Jolay 2025

Hoy ny Soratra Masina : « Ary aoka hanapaka ao am-ponareo ny fiadanan’I Kristy , fa ho amin’izany no niantsoana anareo ho tena iray ; ary aoka ho feno fisaorana ianareo.» Kolosiana 3. 15

Manantitra ny arahaba ho antsika rehetra amin’ny Anaran’ny Tompo ry Havana , miarahaba manokana anareo Birao sy komity ary mpikambana STK rehetra nahatratra ity andro fanateram-bokatry ny sampana ity . tononina manokana ho anareo vahiny tonga miara miombom-bavaka aminay eto Amparibe Famonjena ihany koa izany . Ho aminareo hatrany anie ny Fiadanana..

Alahady IV manaraka ny Trinite, ny andro anio, Alahady natokan’ny FJKM hitondrana am-bavaka ny STK .Miaina hatrany ny loha hevitra iombonan’ny FJKM hoe :« Olom-boaantso ny mpino » isika.

Manasa ary anao hanaraka izao raharahan’ny fiangonana izao.

RAHARAHA AVY ANY IVELANY

  • FOIBE FJKM

    Hotanterahina anio Alahady 13 Jolay amin’ny 2ora 30 tolakandro ao amin’ny FJKM Andrainarivo Fahasoavana ny fanompoam-pivavahana hisaorana an’Andriamanitra noho ny Jobily faha 25 naha mpitandrina an’Atoa RAVELONARIVO Mamy Tiana , Prezida synodaly Antananarivo Andrefana. Hasaina hiara iombom-bavaka amin’izany ny fiangonana manontolo.Ny sakafon-jobily kosa dia hotanterahina ny Alahady 20 Jolay amin’ny 12.30ora ao amin’ny YANDI By Pass.

  • ONIFRA/Oniversite RAVELOJAONA

    Mampahafantatra izay maniry ny hanohy fianarana ao fa hisy ny varavarana misokatra “ Portes ouvertes” ny Talata 29 Jolay manomboka amin’ny 9ora maraina. Hisokatra amin’io andro io ihany koa ny fandraisana fisoratana anarana ho amin’ny taom-pianarana 2025-2026. Ny fifaninanana hidirana L 1 kosa dia ny 27 Aogositra sy 17 Septambra.

  • Firahalahian’ny Mpitandrina misotro ronono sy ny vadiny, ny vady navelan’ny maty

    Ho fanohanana ny Mpitandrina misotro ronono sy ny vadiny ary ny vady navelan’ny maty ; ny Mpitandrina mivady sy ny AMPIFITIA FJKM Isotry Fitiavana dia manasa ny fiangonana amin’ny Rindran-kira ara-pilazantsara VALIBABENA 6 anio Alahady 13 Jolay manomboka amin’ny 3ora tolakandro ao amin’ny FJKM Isotry Fitiavana.

  • SPAA10 – FJKM ANTOBY AVARATRA

    Hotanterahina anio Alahady 13/07 ny Alahadin’ny KD MAMINDRAINY Rovantsoa , mianakavy ao amin’ny FJKM Antoby Avaratra izay fiangonana miara mandroso . Mangataka ny fitrotroana am-bavaka ny amin’ny adidy hiantsorohana ary mandefa valopy miisa 10 ho fanohanana amin’ny endrika hita maso.

  • FFKM

    Manasa antsika Kristiana hiara hiombom-bavaka ho fampaherezana ireo fianankaviana namoy Havana sy mbola andalam-pitsaboana vokatr’ireo fisehoan-javatra maro teto amin’ny firenena ny Zoma 18 Jolay amin’ny 9.30 ao amin’ny Chapelle FJKM HJRA Ampefiloha.

  • FIKAMBANANA MAMPIELY BAIBOLY MALAGASY

    Manasa ny Kristiana hiara hisaotra an’Andriamanitra amin’ny fanompoam-pivavahana izay hoanterahina ny Alahady 20 Jolay amin’ny 3ora tolakandro ao amin’ny FJKM Katedraly Analakely . Amin’io fotoana io no hamoahana ny boky fampiorenam-pinoana mitondra ny lohateny hoe : “ Mifamotoana Amin’i Jesoa Kristy”

RAHARAHA ETO AN-TOERANA
  • Alahady natokana hitondrana am-bavaka ny STK ny andro anio sady famaranana ny herinandrom-bokatry ny Sampana . Tonga mivahiny eto amintsika ny Mpitandrina RAKOTONDRABE Harilanto mitondra ny PEV Antsalova SP BEMARAHA. Aoka hiomana amin’ny rakitra am-baravarana izay efa fanao ho fanohanana Evanjelistra isika.
  • Ny rakitra voalohany anio dia ho an’ny fiainan’ny fiangonana , ny rakitra faha-II kosa hanohanana ny asan’ny STK.
  • Mianatra ny Katekomena anio tolak’andro ny lesona anio : “Ny Jodaisma”,
  • Mitohy toy ny mahazatra ny fotoanan’ny Sampana mandritra ny herinandro.
  • Hanomboka rahampitso Alatsinainy 14 Jolay ny herinandrom-bokatry ny VFL.
  • Amin’ny Alahady heriny anio mandritra ny fotoanan’ny Asa vavolombelona no hitsofan-drano ireo komity fandraisan-tanana ny Mpitandrina mianankavy.
  • Amin’ny Alahady heriny anio amin’ny 8ora maraina dia antsoina ny MD fiangonana ( Diakona , Loholona ary solotenan’ny Sampana ) ho tonga hihatrika ny fivoriana isam-bolana. Aorian’ny fanompoam-pivavahana kosa dia antsoina ny MFT hihatrika ny fivoriana ankatoky ny fandraisana sady fanomanam-panahy.

FILAZANA MANJO
Ho an’ny Mpitandrina mivady sy ny fiangonana FJKM Amparibe Famonjena, VFL
Amin’ny finoana sy fanantenana ny fitsanganan’ny tena amin’ny maty ary ny fiainana mandrakizay no hampandrenesanay anareo ny fodiamandrin’i :
RASOANANDRASANA Seraphine
Ny Talata 8 Jolay rehefa nivahiny 95 taona teto an-tany
Hoy
ny taizany sy ny zafiny : RAKOTONIRIANA Kristian Donné mivady, mianadahy avy sy ny zanany
Fianankaviana manontolo.
Ny fandevenana dia tontosa ny Sabotsy 11 Jolay lasa teo teny Ambohidroa Antehiroka tao aorian’ny fanompoam-pivavahana nanomezam-boninahitra an’Andriamanitra tao amin’ny FJKM Ambatolampy Antehiroka Fitiavana.

Ho an’ny Mpitandrina mivady sy ny fiangonana FJKM Amparibe Famonjena, SA , VMFP
Amin’ny finoana sy fanantenana ny fitsanganan’ny tena amin’ny maty ary ny fiainana mandrakizay no hampandrenesanay anareo ny fodiamandrin’i :
RAKOTOBE Eric
rehefa nivahiny 43 taona teto an-tany
Hoy
Ny Rainy : RAKOTOBE Andrianome Willy
Ny Reniny : RAVAHIARIVONY Evelyne Nina
ny zanany : RAKOTOBE Bosalama Mijoro mianadahy
Fianankaviana manontolo .
Ny fandevenana dia tontosa ny Sabotsy 12 Jolay teny amin’ny fasan-drazany teny Lazaina tao aorian’ny fanompoam-pivavahana nanomezam-boninahitra an’Andriamanitra tao amin’ny FJKM Ranivo Maritiora Lazaina Avaradrano.

Ho an’ny Mpitandrina mivady sy ny fiangonana FJKM Amparibe Famonjena, BPG, FDL, V.VOLA , V. FANANANA , SLK , SAFIF , GAZETY TAFA ,VFL ,VMFP
Amin’ny finoana sy fanantenana ny fitsanganan’ny tena amin’ny maty ary ny fiainana mandrakizay no hampandrenesanay anareo ny fodiamandrin’i
RADANIELINA Mparany
Ny Alarobia 9 Jolay 2025 rehefa nivahiny 62 taona teto an-tany
Hoy
Ny vadiny : RADANIELINA RATSIMBA Nivoharilala
ny zanany : RADANIELINA Miharintsoa sy Tanjona mianadahy avy
Ny iray tampo aminy : RABEFIERANA Lucien sy Nivo
RABE Harimanana sy Rachel , mianadahy avy sy ny zanaka aman-jafiny
Fianankaviana manontolo .
Ny fandevenana dia tontosa ny Sabotsy 12 Jolay teny amin’ny fasan-drazany teny Antanetibe Alarobia Ambatomanga tao aorian’ny fanompoam-pivavahana nanomezam-boninahitra an’Andriamanitra teto amin’ny FJKM Amparibe Famonjena .

Ho an’ny Mpitandrina mivady sy ny fiangonana FJKM AF , BPG , FDL ,V.VOLA , SLK , VFL, VMFP, DORKASY.
Amin’ny finoana sy fanantenana ny fitsanganan’ny tena amin’ny maty ary ny fiainana mandrakizay no hampandrenesanay anareo ny fodiamandrin’i :
RAMAMONJISOA Chantal Aurelie
Ny Alakamisy 10 Jolay 2025
Hoy
Ny zanany : ANDRIAMALANTOMANGA Tsilavina sy Ando mianadahy avy
Ny iray tampo aminy : RABE Harimanana sy Rachel , mianadahy avy sy ny zanaka aman-jafiny
Fianankaviana manontolo .
Ny nofomangatsiakany dia ho entina miala ao amin’ny tranony aoAmparibe Lot VF 1 anio Alahady 13Jolay amin’ny 12.30ora , ho entina hanomezam-boninahitra an’Andriamanitra ao amin’ny EKAR Masindahy Josefa Mahamasina mialoha ny hametrahana azy eny amin’ny fasan-drazany eny antampon’Ambohimalaza.
Ny famangian’ny fiangonana ireo fianakaviana nidonan’ny manjo ireo dia efa tontosa avokoa.

TARATASY AVY AMIN’NY SSAAV

  • KOMITY FANDRAISAN-TANANA

    Antsoina ny solotenan’ny Rafitra sy ny solotenan’ny MFT mandrafitra ny Komity fandraisan-tanana ny Mpitandrina RAKOTOMANANA Herintsoa Tahiry mianankavy ho tonga hivory rahampitso Alatsinainy 14 Jolay amin’ny 6ora ahariva eto amin’ny Fiangonana.

  • FANDAHARANA HERINANDROM-BOKATRA VFL

    => Alatsinainy 14/07 amin’ny 6.15ora hariva : fotoana hiarahana amin’ny AFF ( ny Laika Kristiana mpiara miasa amin’Andriamanitra amin’ny sahatra rehetra) => Talata 15/07 amin’ny6.15ora hariva famelabelaran-kevitra hiarahana amin’ny Mpitandrina RAKOTOMANANA Herintsoa Tahiry ( ny tanora sy ny fitohizan’ny asa fanompoana;Andraikitra sy fanamby manasongadina fa anjaran’ny tanora ny manohy sy ampitohy ny lova ara-panahy sy ara-panompoana navelan’ireo zaky) => Alarobia 16/07 famangiana ny tby AKAFITA.Fotoana amin’ny 8.30ora eo amin’ny SUPER U Ampefiloha. => Zoma 18/07 fotoambavaka tarihan’ny sampan manomboka amin’ny 6.15ora hariva. -Sabotsy fanateram-bokatra eto amin’ny fiangonana manomboka amin’ny 8.30ora maraina hatramin’ny 2.30ora tolakandro. => Alahady 19/07 ivon’ny herinadrom-bokatra ny maraina , ny tolakandro fanompoam-pivavahanahiarahana amin’ny SFL eny amin’ny FJKM Ambohitrarahaba. manomboka amin’ny 3ora tolakandro.


Dia hahatsiaro am-bavaka ireo asan’ny Tompo hankininy amin’ny Fiangonana ireo isika ry Havana ary hifanome tanana hanatanteraka sy hifanotrona mandrakariva amin’izany.

Ho an’Andriamanitra irery ny voninahitra